الكلمة المعسوله

[الكلام الصريح]

هديتـك يالطيـف الــروح مقبـولـه
هديـةٍ غاليـه مـن واحــدٍ غـالـي
خلتنـي آقـول شـيٍ ماقـدر آقـولـه
عز الله انها شعت قلبـي وهـو سالـي
خليـت قلـب المعنـا يضـرب طبولـه
ياتـرف الاقـدام ماريحـت لـي بالـي
جـددت جـرحٍ قديـمٍ دايــرٍ حـولـه
واشقيتنـي ياشقـا روحـي وغربالـي
لاحل طاريك جنب بـي عـن الضولـه
مارتاح لين انفرد فـي جـوي الخالـي
وان جيت بين العرب فالروح مشغولـه
لاخذت هرجـت روحـي كنـي لحالـي
وان غبت ضاق الفضا بي عرضه وطوله
وان زان خاطرك زنت وزانـت احوالـي
والكلمه اللـي تجينـي منـك معسولـه
يطرب لها خاطري وتزيـد فـي حالـي
فيازين طرق الهـوى للنـاس مدهولـه
لانيب الاول ولاانته في الهـوى التالـي
عطني دلايـل هـواك وهـات مدلولـه
ونـا دلايـل هـواي اقفـاي واقبالـي
كثر التـرداد يالمجمـول وش هـو لـه
ودي بشوفك وشوفـك مـا تهيـا لـي

[ايـــمـــن]

تسلم اخي على هالشعر الحلوو


تحيتي

[دياجير الظلام]

شكرا اخي الكلام الصريح


والرجاء منك كتابه اسم الشاعر

وهو محمد بن عباد السلولي

لك تحيتي

[الكلام الصريح]

شكرا على مروركم جميعا

[صحن حلا]

مشكور الله يعطيك العافيه

دمت بحفظ الرحمن

[الطير الدلوع]

شكرا لك اخوي على الشعر الرائع
يستحق التميز
تقبل مروري

[تـدلل]

مشكورة اختي على هالاختيار