الحظ

[الكلام الصريح]

العمر فرصه والعنــــــــا ما بغيته
والحظ لو ساعد رفع راس راعيه

لا عاد لي حظ دعــــــــاني وجيته
حظ غدر بالخافق اللي وثق فيه

سرت الهوى في حب شخص هويته
واثر الهوى تكثر وتعظم بلاويه

يــاحظ لا تــاقف بدرب مشيتــــــــه
يا حظ ساعدني وكب المشاريه

يــا حظ قرب لي حبيب رجيتــــــــه
يا حظ هات اللي عيوني تراعيه

نفسي عزيزه والدنس مــا وطيتــــه
لا تطلب بتكفى ولا الذل تبغيـــه

لكن على خلي ترى النفس ميتــــــه
باقولها تكفى وتكفى ولبيــــه

بس الغظي يرجع بذكره وصيتـــــه
وأشوف عينه وأتهنى بطاريــه

وإن قلت فات وكل شي قظيتـــــــه
وإنك معي حظ تعلق براعيـــــــه

وإن الغظي ما ينثني لو دعيتــــــــه
وإنك معاند في وصاله وجافيـــه

فارجوك هات الموت لو ما بغيتــــــه
عجل ترى نفسي نوت بالمشاريــه

حسبي على الدنيــــــــــا وحظ لقيته
ما دام خلي ما أرتجي يوم ألاقيه